በሽታዎች

በበሽታ ለረጅም ግዜ እየተሰቃዩ ነበር? በየግዜው መድሀኒት ይወስዳሉ? በትውልድ አገርዎ ወይም በስደት ላይ እያሉ የህክምና እርዳታ አግኝተዋል?

አንዳንድ በሽታዎች ተላላፊ ናቸው፡፡  ይህ ማለት በሽታው ከአንድ ሰው ወደ ሌላ ሰው ሊተላለፍ ይችላል፡፡  ይህም በአየር አማካኝነት፣ በቆሸሹ እጆች፣ በደም ወይም በወሲባዊ ግንኙነት እንዲሁም በማስመለስ፣ በሰውነት ፈሳሾች ወይም በቀጥታ ግንኙነት ሊከሰት ይችላል፡፡

እንደ ጎኖሪያ፣ ሲፍልስ ወይም ክላሚዲያ ያሉ በሽታዎች በግብረ ስጋ ግንኙነት ወቅት ሊተላለፉ ይችላሉ፡፡ ውጤቱ ሊያካትት የሚችላቸው ነገሮች ማዠት ፣ማሳከክ፣ መቁሰል ወይም በብልት አካባቢ ህመም መሰማት ናቸው፡፡ ነገር ግን ምንም አይነት ምልክት ሳይኖርብዎ በበሽታው ተይዘው ሊሆንም ይችላል፡፡

ኤች አይቪ በሽታን የመከላከል አቅምን የሚያዳክም ቫይረስ ነው፡፡  ምንም አይነት ምልክት ሳያሳዩ ቫይረሱ በደምዎ ውስጥ ሊኖር ይችላል፡፡  መድሀኒት መውሰድ ካልጀመሩ ሰውነቶን ሊያዳክም ይችላል እስከ መታመም ደረጃ ሊያደርሶም ይችላል፡፡ ይህም ኤድስ ተብሎ ይጠራል፡፡ 

ይህ በሽታ የሚተላለፈው በደም፣ ያለ ኮንዶም በሚደረግ የግብረ ስጋ ግንኙነት፣ ንፁህ ያልሆነ መርፌ በመጠቀም፣ ወይም ባልተወለደ ልጅ ላይ በቀጥታ ከእናት ወደ ልጅ ሊተላለፍ ይችላል፡፡  ይህ ቫይረስ ካለብዎ ምንም አይነት የበሽታ ምልክት ሳያሳዩ ወደ ሌሎች ሰዎችን ሊያስተላልፉ ይችላሉ፡፡

ኤች አይቪ የሚድን በሽታ አይደለም፡፡  ነገር ግን መድሀኒቱ ቫይረሱን በመቆጣጠር እና ጉዳቱን በመቀነስ ያግዛል፡፡ 

ቲቢ ያለባቸው ሰዎች ከሶስት ሳምንት በላይ ያስላሉ፣ ትኩሳት፣ የሌሊት ላብ ይኖራቸዋል፣ ወይም ክብደት ይቀንሳሉ፡፡  ቲቢ ጤነኛ የሆኑ ሰዎች ከህመሙ ጋር ያሉ ሰዎች ያሳሉበትን አየር ስበው ወደ ውስጥ ሲያስገቡ ሊተላለፍ ይችላል፡፡

ቲቢ አደገኛ ነው፡፡  ነገር ግን ይህ በሽታ በፍጥነት ከተደረሰበት ሊድን ይችላል፡፡  ህክምናው ቢያንስ ስድስት ወር ይፈጃል፡፡

አልኮል፣ መድሀኒቶች እና ሌሎች እፆች ሱስ ሊያስይዞት እና ጤናዎን ሊጎዱ ይችላሉ፡፡ እፆችን መጠቀምን ያስወግዱ፡፡

በደም ስር የሚሰጡ እፆችን በምንጠቀምበት ወቅት መርፌ ስንጠቀም በሽታ የሚተላለፈው በደም ይሆናል፡፡

በአስቸጋሪ ሁኔታዎች ውስጥ ማለፍ- እንደ ጦርነት፣ ማምለጥ፣ በሰዎች መሰቃየት እና መደፈር አካልን ወይም አዕምሮን ያሳምማል፡፡   በከፍተኛ መጠን አልኮል ወይም ሌላ አይነት እፅ መጠቀም በራሱ ትልቅ ሚና ይጫወታል፡፡   

አብዛኞቹ የተጠቁ ግለሰቦች ስለ አዕምሮ ህመም ማውራት ከባድ ይሆንባቸዋል፡፡   ለሌላ በሽታ ትኩረት እንደምንሰጠው ሁሉ ለእነሱም ትኩረት መስጠት በጣም አስፈላጊ ነው፡፡ 

ሊሆን የሚችል የአዕምሮ ህመም ምልክቶች ውስጥ ለረዥም ግዜ እንቅልፍ ያለመተኛት፣ ቅዠቶች፣ እንግዳ የሆነ ህመም ወይም ሌሎች ችግሮች ሊሆኑ ይችላሉ፡፡

ጉድፍ በጣም ተላላፊ የሆነ በሽታ ነው፡፡  ዋነኛ ምልክቶቹም ትኩሳት እና በቅድሚያ የቆዳ መቆጣት በግልፅ የሚታይ ክብ ማኮፍኮፍ ናቸው፡፡ ክትባት በመውሰድ ራስዎን ከጉድፍ መከላከል ይችላሉ፡፡

ኩፍኝ የያዛቸው ሰዎች በአብዛኛው በትኩሳት፣ በአይን መቅላት፣ በሳል እና በቆዳ መቆጣት በቀያይ ሽፍታዎች ይሰቃያሉ፡፡ ክትባት በመውሰድ እራስዎን ከኩፍኝ መከላከል ይችላሉ፡፡

ይህ ተላላፊ የጉሮሮ በሽታ የላይኛው የመተንፈሻ ክፍል ወይም ቆዳ ህመም ነው፡፡ ሁለት አይነት ናቸው፡ የጉሮሮ እና የቆዳ ተላላፊ የጉሮሮ በሽታ፡፡

በዚህ የጉሮሮ በሽታ የተያዙ ሰዎች በጉሮሮ ህመም፣ ትኩሳት እና በመዋጥ ግዜ ህመም ይሰቃያሉ፡፡  የዚህ ጉሮሮ ህመም በጣም ጠቃሚው ምልክት ለመዳን አስቸጋሪ የሆነ ቁስል ነው፡ ክትባት በመውሰድ ራስዎን ከተላላፊው የጉሮሮ በሽታ መከላከል ይችላሉ፡፡

ይህ በሽታ በጣም የተስፋፋ የቆዳ በሽታ ነው፡፡ ቆዳን ሰርስረው በሚገቡ ፓራሳይቶች አማካይነት የሚነሳ በሽታ ነው፡፡

ምልክቶቹም ከባድ ማሳከክ፣ ሽፍታ እና የቆዳ መቆጣት በአብዛኛው በብልት አካባቢ፣ በጣቶች መካከል፣ በእጅ አንጓ እና ሌሎች መገጣጠሚያዎች አካባቢ፣ በእጅ ስር እና በጡት ላይ ናቸው፡፡

ይህ በሽታ የሚተላለፈው በ በሁለት ሰዎች መካከል በቀጥታ የቆዳ ግንኙነት ሲኖር ነው፡፡

ሆድ ውስጥ እና በአንጀት ውስጥ ማቃጠል ሲኖር፣ የማቅለሽለሽ ስሜት፣ ማስመለስ እና ተቅማጥ ከትኩሳት እና ከሆድ ውስጥ ህመም ጋር የሚከሰትበት ሁኔታ ነው፡፡ ይህ አይነት በሽታ ያለባቸው ሰዎች ብዙውን ግዜ በጣም ብዙ ፈሳሽ በአጭር ግዜ ያጣሉ፡፡

ብዙ አይነት ሌላ በሽታዎች አሉ፡፡ እዚህ በዋነኛነት መረጃ የሚያገኙት በጣም አስፈላጊ ስለሆኑት በሽታዎች ብቻ ነው፡፡