ل ڤێرە دا، نیشانێن بەربەڵاڤترین نەخۆشیان هاتینە ناساندن. یا گرنگە تو ب زووترین دەم چارەسەریا خۆ بکەی ئەگەر ئەڤ نیشانە لدەف تە دەرکەفتن، داکو تەندروستیا خۆ بپارێزی و نەهێلی خەلکێن دەوروبەرێ تە ژی تووش ببن.
نیشانێن نەخۆشییێ
ئەگەر هەر نیشانەکێ نەخۆشیێ لدەف تە دەرکەفت یان ژی تە هەست ب نەباشیێ کر، سەرەدانا بنگەهێ ساخلەمیێ (میدیک- هێڵپ) بکە.
کوخک نیشانە بۆ گەلەک نەخۆشیان. بەهرا پتر ل وان نەخۆشیان ژ ئەگەرێ سەڕمایێ توشی مرۆڤی دبن. هندەک جارا کوخک نیشانە یە بۆ توشبوونا کەسێ نەخۆش ب نەخۆشیێن ڤەگوهاستی.
ئەگەر تە کوخکەکا گران و بەردەوام هەبوو، یان بەڵغم دگەل دابوو، سەرەدانا بنگەهێ ساخلەمیێ مێدیک-هێڵپ بکە.
دەمێ پلا گەرمییا لەشێ مرۆڤی ل ئاستێ ئاسایی بلندتر دبیت، دبێژنێ تا. تا نیشانە بۆ گەلەک نەخۆشییان.
ئەگەر تا هاتە تە، سەرەدانا بنگەهێ ساخلەمیێ (مێدیک-هێڵپ) بکە.
ئەگەر تا هاتە زارۆکێ تە، بزووترین دەم سەرەدانا بنگەهێ ساخلەمیێ (مێدیک-هێڵپ) بکە.
ب بەردەوامی ئاڤێ و چایێ ڤەخۆ بەلێ کێم کێمە و چ کارێن گران نەکە کو پێڤە بوەستیێی.
ئاساییە ل شەڤێن گەرمێن هاڤینێ یان ژی ئەگەر جهێ نڤستنێ گەلەکێ گەرم بیت، مرۆڤ خوهێ بدەت. بەلێ ئەگەر تە گەلەک خوهـ دا ل ژێر پلا گەرمییا ئاسایی، دبیت نیشانێ تووشبونێ بیت ب نەخۆشیەکا ڤەگر.
ئەگەر تا هاتە تە و بشەڤ تە گەلەک خوهـ دا و کێشا تە دابەزی، سەرەدانا بنگەهێ ساخلەمیێ بکە.
خوهدان ل دەمێ نڤستنێ دبیت نیشانێ توشبوونا گەلەک نەخۆشییان بیت. ل وان ژی دبیت نیشانێ توشبوونا ڤان نەخۆشیێن ل خوارێ بیت:
ئەڤ نیشانە لوی دەمی دەردکەڤن دەمێ لەشێ تە سۆر بوو، و زپک یان پەقێن سۆر لسەر پیستێ تە هاتن، یان ئەگەر پیستێ تە گەلەک هشک بوو یان هەلوەریا یان گەلەک خوریا. دبیت ئەڤە ژی نیشانێ تووشبونێ بیت ب نەخۆشیەکا ڤەگر.
ئەگەر پیستێ تە خوریا یان ژی سۆر بوو، سەرەدانا بنگەهێ ساخلەمیێ بکە.
سۆر بوون و خوریانا پیستی دبیت نیشانێ توشبوونا گەلەک نەخۆشییان بیت. ل وان ژی دبیت نیشانێ توشبوونا ڤان نەخۆشیێن ل خوارێ بیت:
بڕین, بسەرداچوونا چەرمی یان گەستن دشێت پیستێ تە برینداربکەن و ببیتە ئەگەرێ برینێن ڤەکری. نەخاسمە ئەو برینێن کو ب تمامی ساخ نابن، دڤێت خەمەکا تایبەت لێ بخۆی و ب باشی چارەسەرکەی.
ئەگەر چ برین لسەر پیستێ تە هەبوون، سەرەدانا بنگەهێ ساخلەمیێ مێدیک-هێڵپ بکە.
هەبوونا برینێن ڤەکری لسەر پیستی دبیت ل ئەگەری بەرکەفتن و برینداربوونێ بیت. ئەگەر ئەڤ برینێن ڤەکری ب تمامی ساخ نەبوون، دبیت نیشان بیت بۆ تووشبونا نەخۆشی بڤێ نەخۆشییا ل خوارێ:
ئەگەر د رۆژەکێدا پتر لسێ جاران دەستنڤێژا تەیا ستوور هات، یان ژی ئەگەر دەستنڤێژا تە یا ستوور رۆن بوو، ئەڤە هنگی تە نەخۆشیا زکچۆنێ یا گرتی. ئەڤەژی نیشانێ توشبوونێ ب نەخۆشیەکا ڤەگر ددەت.
ئەگەر زکێ تە چۆ، سەرەدانا بنگەهێ ساخلەمیێ مێدیک-هێڵپ بکە.
تێرا خۆ ئاڤێ و چایێ ڤەخۆ بەلێ هێدی هێدی.
بەردەوام دەستێن خۆ ب سابونێ بشۆ داکو کەسێن دی ل تە ڤەنەگرن.
زکچۆن نیشانە بۆ تووشبوون بنەخۆشیێن ڤەگرێن جۆراوجۆر. ئێک ل وان ژی، دبیت ئەڤ نەخۆشیا ل خوارێ بیت:
ڤەڕشیان دبیت نیشانێ گەلەک نەخۆشیان بیت. هەروەسا دبیت نیشانێ نەخۆشیەکا ڤەگر ژی بیت.
ئەگەر توو ڤەڕشیای، سەرەدانا بنگەهێ ساخلەمیێ مێدیک-هێلپ بکە.
تێرا خۆ ئاڤێ و چایێ ڤەخۆ بەلێ هێدی هێدی.
بەردەوام دەستێن خۆ ب سابونێ بشۆ داکو کەسێن دی ل تە ڤەنەگرن.
ڤەڕشیان نیشانە بۆ تووشبوون بنەخۆشیێن ڤەگرێن جۆراوجۆر. ئێک ل وان ژی، دبیت ئەڤ نەخۆشیا ل خوارێ بیت:
ئەگەر بۆ ماوێ چەند شەڤەژان لسەر ئێک خەوا تە نەهات و تە بێ ئەگەر هەست ب ترسێ کر، ئەڤە وێ چەندێ دگەهینیت کو تو یێ/یا توشی نەخۆشیێت دەروونی بووی.هەرەوەسا ئەگەر لەشێ تە ئێشا بێی هەبوونا ئەگەرەکی، ئەو ژی رامانا هندێ ددەت کو تە نەخۆشیێت دەروونی یێت هەین.
ئەگەر خەوا تە نەهات یان ژی بێ ئەگەر تە هەست ب لەش ئێشانێ کر، سەرەدانا بنگەهێ ساخلەمیێ مێدیک-هێلپ بکە.
خەو نەهاتن یان هەبوونا ترسێ یان لەش ئێشانێ بێ ئەگەر دبیت نیشان بیت بۆ تووشبوونا کەسێ نەخۆش ب نەخۆشییێن جۆراوجۆر. ئێک ل وان ژی، دبیت ئەڤ نەخۆشیا ل خوارێ بیت:
د ڤی لاپەڕیدا، دێ پێزانینان لسەر گرنگترین نەخۆشییێن ڤەگر بدەستڤەئینی.
بێگومان نیشانێن گەلەک نەخۆشیێن دیتر هەنە. ئەگەر تە هەست ب نەخۆشیەکێ کر یان ژی تە پرسیارەک لدۆر ساخلەمیا خۆ هەبوو، سەرەدانا بنگەهێ ساخلەمیێ مێدیک-هێلپ بکە.
