باشترین و ساناههیترین رێک کو خۆ ژ نەخۆشییێن ڤەگر بپارێزی ئەوە دەستێن خۆ بباشی و بەردەوامی ب سابونێ بشۆی. بكێمیڤە، پێدڤیە هەرگاڤا ل دەستاڤێ دەرکەفتی و بەری نان خوارنێ دەستێت خۆ بشۆی.
خۆپاراستن
ئەگەر پێگیریێ بڤان رێنماییێن ل خوارێ ئاماژە پێ هاتیەدان بکەی، دێ هێیە پاراستن ل ژمارەکا زۆر یا نەخۆشیێن ڤەگر.
ڤاکسین دانان دشێت تە ل گەکەک نەخۆشیان بپارێزیت. مرۆڤ چەند پتر ڤاکسینان وەربگریت، کێمتر نەخۆش دبیت.
لایەنێن پەیوەندیدارێن سویسڕا یێن تایبەت ب تەندروستیێ پێشنیار دکەن کو ڤاکسین بهێنە دانان بۆ خۆ پاراستنێ ژڤان نەخۆشیێن ل خوارێ:
خوری سۆرک
سوریکە و میرکوتە
دیفتێریا و کوخکە رەش و هەوکرنا کۆئەندامێ هەناسێ
ئیفلیجبوونا زارۆکان
بۆ وەرگرتنا شیرەتان لدۆر چەوانییا ڤاکسیندانێ سەرەدانا بنگەهێ ساخلەمیێ مێدیک-هێڵپ بکە.
ژبلی ئایدزێ، گەلەک نەخۆشیێن دییێن هەین بڕێکا ئەنجامدانا پەیوەندییا سێکسی دهێتە ڤەگوهاستن. باشترین رێک بۆ خۆپاراستنێ ل ڤان نەخۆشییان بکارئینانا کۆندۆمانە لدەمێ ئەنجامدانا پەیوەندییا سێکسی. هەروەسا کۆندۆمێن تایبەت بۆ ئافرەتا ژی هەنە.
کۆندۆم ل بنگەهێ وەرگرتنێ و هاروکاریێ دهێنە دابەشکرن و دشێت ل دەرمانخانە و بەهرا پتر یا سوپەرمارکێتان بهێنە کڕین.
