کیی تُسی بماری اچ لمبے عرصے توں مبتلا او؟ کیی تُسی باقاعدگی نال علاج کرا رہے او؟ کیی تُسی اپنے ملک اچ یا جیدوں تُسی اپنا ملک چھڈ رہے سی، اودوں اپنا طبی علاج کرا رہے سی؟
بماریاں
کجھ بماریاں وبائی ہوندیاں نیں۔ ایدا مطلب اے کہ بماری اک بندے توں دوجے بندے نُوں لگ سکدی اے۔ ایہہ منتقلی ہوا، گندے ہتھاں، خون یا جنسی ملاپ دے کارن، ایداں ای قے آن نال، فضلیاں نال یا براہِ راست رابطے نال ہو سکدی اے۔
جے تہاڈے اچ ایہہ علامتاں ہون تے ایس صورت وچ طبی مدد لئی نال رابطہ کرو۔ ایہہ تہاڈی اپنی اتے تہاڈے آسے پاسے دوجے لوکاں دی حفاظت کرن اچ مدد دیندا اے۔
بیماریاں جیویں کہ جریان، کھجلی، آتشک یا کلامیدیا جنسی ملاپ دے دوران منتقل ہو سکدیاں نیں۔ ایدے اثرات سیال مادے دے اخراج، کھجلی اتے سوجن، السر یا تناسلی حصے تے پیڑ دی صورت وچ ہو سکدے نیں۔ پَر، کسے وی علامت دے ظاہر ہوئے بِنا وی تُسی متاثر ہو سکدے او۔
اپنے آپ نوں جنسی طور تے منتقل ہون آلیاں بماریاں توں بچاؤ۔ جنسی ملاپ دے دوران ہمیشہ کنڈوم ورتو۔ تُسی اینوں مرکز توں حاصل کر سکدے او یا دوا خانیاں یا اکثر سُپر مارکیٹس توں، کیمسٹ کولوں خرید سکدے او۔
تہاڈے اچ جنسی طور تے منتقل شدہ بماری دی علامت ظاہر ہون دی صورت اچ، طبی مدد لئی تے جاؤ۔
جے تُہانوں ایہہ پَک نہیں اے کہ آیا کنڈوم دے بِنا جنسی ملاپ توں بعد تُسی جنسی طور تے منتقل شدہ بیماری دا شکار ہوئے وی او کہ نہیں، تے مشاورت کرن لئی طبی مدد لئی تے جاؤ۔ علامتاں ظاہر ہون تیکر نہ اُڈیکو۔
HIV اک وائرس اے جیہڑا مدافعاتی نظام نوں کمزور کر دا اے۔ تہاڈے وچ کوئی علامت ظاہر ہوئے بِنا وی ایہہ وائرس تہانوں ہو سکدا اے۔ جے تُسی علاج نہیں کرا رہے او، تے ایہہ تہاڈے جسم نوں ایس حد تیکر کمزور کر دیندا اے کہ تُسی بمار ہو جاندے او، اینوں ایڈز کہیا جاندا اے۔
ایہہ بیماری خون دے ذریعے، کنڈوم توں بغیر جنسی ملاپ دے ذریعے، استعمال شدہ گندے ٹیکیاں دے ذریعے، یا ماں توں جمن آلے بچے نوں براہِ راست منتقل ہوندی اے۔ جے تہانوں ایہہ وائرس اے، تے تُسی کسے وی علامت دے وکھائی دین توں بِنا دوجے لوکاں نوں متاثر کر سکدے او۔
/ HIV ایڈز قابلِ علاج نہیں اے۔ پَر، علاج کران نال ایس وائرس تے قابو پایا جا سکدا اے اتے ایدے اثرات نوں گھٹایا جا سکدا اے۔
اپنے آپ نوں HIV/ایڈرز توں بچاؤ۔ جنسی ملاپ دے دوران ہمیشہ کنڈوم ورتو۔ تُسی اینوں مرکز توں حاصل کر سکدے او یا دواخانیاں تُوں یا واوا سُپر مارکیٹس توں، کیمسٹ کولوں خرید سکدے او۔
متاثر ہون توں بچن لئی جسم اچ دوائی داخل کرن لئی ہمیشہ صاف اتے غیر استعمال شدہ ٹیکے ورتو۔
ایس بارے اچ پَک کرن لئی کہ آیا تُسی HIV/ایڈز توں یا کنڈوم دے بغیر جنسی ملاپ توں بعد جنسی طور تے منتقل شدہ دوجیاں بماریاں توں متاثر ہو وی سکدے او کہ نہیں تے ایدے لئی طبی مدد لئی تے مشاورت کرن لئی جاؤ۔ علامتاں ظاہر ہون تیکر انتظار نہ کرو۔
گھٹو گھٹ تین ہفتیاں توں ودھ تب دِق آلی کھنگ نال لوکاں نوں، تاپ ہو جاندا اے، رات ویلے پسینہ آںدا اے، یا اُونہاں دا وزن گھٹ جاندا اے۔ تپ دِق دی بیماری اودوں وی منتقل ہو سکدی اے جیدوں صحت مند لوکیں بمار لوکاں دی کھنگ آلے ماحول اچ ساہ لیندے نیں۔
تپ دِق خطرناک اے۔ پَر، جے ایس بیماری نوں پہلے مرحلے تے شناخت کر لیا جاوے تے ایدا علاج ہو سکدا اے۔ ایدے علاج اچ چھ مہینے لگدے نیں۔
جے تہاڈے اندر تَپ دِق دیاں علامتاں وچوں کوئی وی علامت اے، تے تُسی پہلاں توں وی اک واری تپ دق دا علاج کرا چکے او یا جے تہاڈا ایسے بندے نال رابطہ اے جینوں ایہہ بماری اے، تے طبی مدد لئی تے جاؤ۔
الکحل منشیات اتے دوجیاں شیواں جیہڑیاں تہانوں نشے دا عادی بناندیاں نیں اتے تہاڈی صحت نوں تباہ کر دیاں نیں۔ منشیات ورتن نوں مسترد کرو۔
جسم اچ منشیات داخل کرن دی صورت اچ بماریاں لوء دے ذریعے منتقل ہوندیاں نیں، مثال دے طور تے، جیدوں ورتیاں ہوئیاں سرنجاں لائیاں جاندیاں نیں۔
جے تُسی منشیات نوں مسترد نہیں کر سکدے، تے متاثر ہون توں بچن لئی ہمیشہ او سرنجاں ورتو جیہڑیاں صاف ہون اتے ورتیاں ہوئیاں نہ ہون۔
نشے دی لَت دا علاج ہو سکدا اے اتے اینوں گھٹایا جا سکدا اے۔ طبی مدد لئی نال رابطہ کرو۔
اوکھے تجربے یا تشدد - جیویں جنگ، فرار، اذیت اتے عصمت دری - جسم یا دماغ دی بماری دا سبب بن سکدے نیں۔ الکحل دا وافر ورتارا یا دوجیاں منشیات دی لَت وی کردار ادا کر سکدی اے۔
کئی متاثرہ لوکاں نوں دماغی بماریاں دے بارے گل کرنا مشکل لگدا اے۔ ایناں نوں سنجیدگی نال لینا اتے جیویں تُسی دوجیاں بماریاں دا علاج کرواؤ گے اوداں ہی ایدا علاج کرانا ضروری اے۔
دماغی بیماریاں دیاں ممکنہ علامتاں وچ لمے عرصے تیکر مناسب نیند نہ لینا، ڈراؤنے خواب آنا، ناقابلِ توضیع پیڑ یا دوجے رولے وی شامل نیں۔
دماغی بماریاں دا علاج ہو سکدا اے۔ طبی مدد لئی نال رابطہ کرو۔
لاکڑا کاکڑا اک وڈے درجے دی چھوتی بیماری اے۔ ایدیاں مخصوص ابتدائی علامتاں تاپ اتے واضح پھوڑیاں نال جلد تے لال دھبے نیں۔ تُسی ویکسین لگوان نال اپنے آپ نوں لاکڑے کاکڑے توں بچا سکدے او۔
جے تہاڈے اچ یا تہاڈے بال اچ لاکڑے کاکڑے دیاں علامتاں ظاہر ہون، تے طبی مدد لئی تے جاؤ۔
جے تہانوں ہلے تیکر لاکڑا کاکڑا نہیں ہویا، تے ایدی ویکسین لوو۔ طبی مدد لئی تے جاؤ۔
خسرے توں متاثر ہون آلے لوکاں نوں اکثر تاپ ہو جاندا اے، اکھاں لال ہو جاندیاں نیں، کھنگ ہو جاندی اے اتے جلد تے لال دھبے پے جاندے نیں۔ تُسی ویکسین لین نال اپنے آپ نوں خسرے توں بچا سکدے او۔
جے تہاڈے اچ یا تہاڈے بال اچ خسرے دیاں علامتاں ظاہر ہون، تے طبی مدد لئی تے جاؤ۔
جے تہانوں ہلے تیکر خسرہ نہیں ہویا، تے ایدی ویکسین لوو۔ طبی مدد لئی تے جاؤ۔
خناق ایک جلدی یا تنفس دے بالائی کھچاؤ دی بماری اے۔ ایدیاں دو قسماں نیں: گلے دا خناق اتے جلد دا خناق۔
گلے دے خناق توں متاثر ہون آلے لوکاں نوں اکثر گلے دی پیڑ، تاپ اتے نگلن دے دوران درد ہوندا اے۔ جلد دے خناق دی سب توں اہم علامت زخماں دا پیڑھے طریقے نال بھرنا اے۔ تُسی ویکسین لین نال اپنے آپ نوں خناق توں بچا سکدے او۔
جے تہاڈے اچ یا تہاڈے بال اچ خناق دیاں علامتاں ظاہر ہون، تے طبی مدد لئی تے جاؤ۔
جے تہانوں ہلے تیکر خناق نہیں ہویا، تے ایدی ویکسین لوو۔ طبی مدد لئی تے جاؤ۔
کھجلی ودھ پھیلی ہوئی جلدی بماری اے۔ ایہہ طفيلیے دی وجہ نال ہوندی اے جیہڑے جلد وچ وڑ جاندے نیں۔ جسم دا ردِ عمل سخت کھجلی،
آبلے اتے جلد دے لال ہون تے مشتمل ہوندا اے جیہڑا جسم دے تناسلی حصے، انگلیاں دے وچکار، کلائیاں تے اتے دوجے جوڑاں تے، بانہواں دے تھلے اتے نِپلز تے اثر کر دا اے۔
ایہہ بیماری براہِ راست دو بندیاں دے جلدی ربط نال منتقل ہوندی اے۔
جے تہاڈے اچ یا تہاڈے بال اچ کھجلی دیاں علامتاں ظاہر ہون، تے طبی امداد دے مرکز تے جاؤ۔
معدے اتے انتڑیاں دے سُجن دی صورت اچ، تاپ اتے معدے وچ پیڑاں دے نال نال متلی، قے، اتے ڈائیریا ہو جاندا اے۔ ایس بماری توں متاثر لوکاں دا مختصر ویلے اچ پانی دی طرح دا پتلا مادہ وافر خارج ہوندا اے۔
ڈھیڈ دیاں مرضاں دیاں علامتاں ظاہر ہون دی صورت اچ، طبی مدد لئی تے جاؤ۔
وافر پانی پیو یا گھٹ مقداراں اچ چاء پیو۔
دوجیاں نوں متاثر ہون توں بچان لئی اپنے ہتھاں نوں صابن نال باقاعدگی نال دھووو۔
