صحت مند رہنا

متعدی بیماریوں کے خلاف سب سے آسان اور مؤثر تحفظ صابن سے اپنے ہاتھ باقاعدگی اور مکمل طور پر دھونا ہیں۔ کم از کم ہر بار لیٹرین جانے کے بعد اور کھانے سے پہلے اپنے ہاتھ دھوئیں۔

باقاعدگی سے غسل کریں اور اپنے دانت دن میں کم ازکم تین بار صاف کریں۔

جسم کی باقاعدہ نگہداشت آپ کو بیماریوں سے محفوظ رکھتی ہے۔ اگر آپ کو دانتوں میں درد ہو تو میڈک ہیلپ سے رابطہ کریں۔

ویکسین لگوا کر کئی بیماریوں سے بچا جا سکتا ہے۔ لوگ جتنی زیادہ ویکسین لگوائیں گے، اتنا کم بیمار پڑیں گے۔

سوئس صحت کے حکام درج ذیل کے خلاف ویکسین لگوانے کی تاکید کرتے ہیں (صرف چند کا تذکرہ ہے):

لاکڑا کاکڑا

خسرہ/ کن پھیڑ / روبیلا

خناق / تشنج / کالی کھانسی

پولیو

ایڈز کے علاوہ ایسی کئی بیماریاں ہیں جو جنسی طور پر منتقل ہو سکتی ہیں۔ آپ اپنے آپ کو بہترین طور پر جنسی فعل کے دوران کنڈوم استعمال کر کے بچا سکتے ہیں۔ خواتین کے لیے بھی کنڈوم ہوتے ہیں۔

کنڈوم مرکز میں دیے جاتے ہیں یا کیمسٹ، فارمیسی یا زیادہ تر سپر مارکیٹس سے خریدے جا سکتے ہیں۔

اگر آپ منشیات لیتے وقت استعمال شدہ سرنجیں استعمال کرتے ہیں تو آپ خون کے ذریعے متاثر ہو سکتے ہیں۔ لہٰذا، ہمیشہ صاف اور غیر استعمال شدہ سرنجیں استعمال کیں۔

اگر آپ حاملہ ہوں تو میڈک ہیلپ سے رابطہ کریں۔ ماہرین آپ کی ضروریات اور آپ کو اور آپ کے بچے کو صحت مند رکھنے کے تقاضوں پر تبادلہ خیال کریں گے، اور وہ آپ کے لیے ایک طبی ماہر سے ملاقات کا انتظام کریں گے۔

کیا آپ کے بچوں کا میڈک ہیلپ پر باقاعدگی سے معائنہ کیا گیا ہے۔ میڈک ہیلپ آپ کے بچے کی غذائیت اور نگہداشت کے بارے میں بھی آپ کی مدد کر سکتے ہیں۔ اس طرح، آپ کا بچہ صحت مند رہ سکتا ہے اور اچھی نشوونما پا سکتا ہے۔